Deputat mahallada

 Kuz–qish mavsumiga tayyorgarlik jarayonlari deputat tomonidan o‘rganildi

Bekobod MFY hududida joylashgan 1-sonli ko‘p tarmoqli ixtisoslashtirilgan maktabgacha
ta’lim tashkilotida kuz–qish mavsumiga ko‘rilgan tayyorgarlik hamda nogironligi
bo‘lgan bolalar uchun yaratilgan sharoitlar 5-Mo‘minobod saylov okrugi deputati
M. Qurbonova tomonidan atroflicha o‘rganildi. 

Tashrif davomida muassasaning mavsumga tayyorgarligi qoniqarli ekani, barcha xonalar
yetarli darajada isitilayotgani ma’lum bo‘ldi. Shuningdek, binodagi eski eshik
va derazalar zamonaviy “Akfa” rusumidagi konstruksiyalarga to‘liq
almashtirilgani qayd etildi. Ushbu yangilanishlar bolalar uchun yanada qulay va
xavfsiz muhit yaratishga xizmat qilmoqda. 

Mazkur bog‘chada kuz–qish mavsumini barqaror o‘tkazish maqsadida zarur bo‘lgan
oziq-ovqat mahsulotlari zahirasi ham shakllantirilgan. Deputat M. Qurbonova
tomonidan mavjud sharoitlar o‘rganilib, muassasa faoliyati ijobiy baholandi.