Deputatlar Marg‘ilonda tez tibbiy yordam tizimidagi raqamli islohotlar samaradorligini o‘rgandilar

Xalq deputatlari Marg‘ilon shahar Kengashi deputatlari tomonidan Respublika Tez Tibbiy Yordam Markazi Farg‘ona hududiy filiali Marg‘ilon shahar tez tibbiy yordam stansiyasida deputatlik nazorati doirasida o‘rganish ishlari olib borildi.

Mazkur nazorat-tahlil jarayonida deputatlar PQ–283-sonli Prezident qarori asosida yo‘lga qo‘yilgan raqamli boshqaruv tizimining amaliy natijalari bilan tanishdilar.

O‘rganishlar shuni ko‘rsatdiki, Marg‘ilon shahrida tez tibbiy yordam xizmati faoliyati to‘liq raqamlashtirilgan bo‘lib, endilikda xodimlar ish jarayonida qog‘oz va ruchkasiz, ya’ni planshetlar orqali elektron tarzda faoliyat olib bormoqda.