22–23-avgust kunlari o‘tkazilgan umumxalq hashari haqida

2024-yil 22–23-avgust kunlari mahallamiz hududida keng ko‘lamli umumxalq hashar tadbiri tashkil etildi. Tadbirda xalq deputatlari Kengashi deputati N.Ilmurodova, mahalla yettiligi, faollar, nuroniylar va yoshlar hamda ko‘plab mahalla aholisi faol qatnashdi.

Hashar davomida:

mahalla ko‘chalari bo‘ylab tartib-intizom o‘rnatildi, chiqindilar yig‘ishtirildi va tashib chiqarildi;

yo‘laklar va ariqlar tozalanib, oqim suvlari erkin harakatlanishi uchun sharoit yaratildi;

daraxtlarga shakl berildi;

mahalladagi ayrim ijtimoiy obyektlar atrofi obodonlashtirilib, jamoat joylari bo‘yoq va ta’mirlash ishlari bilan yangilandi.

Hashar doirasida nafaqat hudud obodonlashtirildi, balki mahalla aholisida birlik va hamjihatlik ruhini mustahkamlash, yashil hududlarni kengaytirish va sog‘lom muhitni shakllantirishga ham alohida e’tibor qaratildi.

Mazkur tadbir doirasida fuqarolarning o‘zaro hamkorligi va jipsligi ko‘zga tashlandi. Hasharda faol ishtirok etgan fuqarolarga minnatdorlik bildirildi.