Халық депутатлары Қараөзек районлық Кеңесиниӊ гезектеги он үшинши сессиясы болып өтти.

Халық депутатлары Қараөзек районлық Кеңесиниӊ гезектеги он үшинши сессиясы болып өтти. Сессияға районлық Кеӊес депутатлары, район ҳәкими орынбасарлары, Ишки ислер бөлими, сиясий партиялар, районлық мәкеме, шөлкемлер, пуқаралар жыйынлары ҳәм ғалаба хабар қурал ўәкиллери қатнасты. Сессия күн тәртибинде дәслеп Өзбекстан Республикасы Президентиниң 2025-жыл 3-январь күнги «2025-жылда Республика мәҳәллелеринде қәўипсиз орталықты жаратыў ҳәм ҳуқықбузарлықлардың ерте алдын алыў системасы нәтийжелилигин жәнеде асырыў бойынша илажлар ҳаққында»ғы ПҚ-1-санлы қарарының орынланыўын тәмийинлеў бағдарында мәҳәллелерде қәўипсиз орталықты жаратыў ҳәм ҳуқықбузарлықлардың алдын алыў бойынша әмелге асырылған жумыслар ҳаққында Қараөзек районы прокурорының мәлимлемеси тыӊланды. Буннан соӊ сессия күн тәртибиндеги Қараөзек районы орайында жайласқан, барлық экономикалық ҳәм социаллық инфраструктураға ийе «Жаңа Өзбекстан» массивинен турақ жай алыўды қәлеўши пуқараларға туўрыдан-туўры субсидия ажыратыў ҳаққында район ҳәкиминиң финанс-экономика ҳәм кәмбағаллықты қысқартыў мәселелери бойынша биринши орынбасары Б.Аяпбергеновтыӊ усынысы додаланылды. Сессия күн тәртибине турақлы комиссиялар усыныслары бойынша киритилген мәселелер толығы менен көрип шығылып, алдағы ислениўи тийис ўазыйпалар белгиленип алынды ҳәм сессия өз жумысын жуўмақлады.