Xalq deputatlari Boyovut tumani Kengashi

Boyovut tumanida “Deputat bilan bir kun” loyihasi doirasida Xalq deputatlari Boyovut tumani Kengashi 1-Madaniyat saylov okrugi deputati Asqarali Odilov tomonidan bir qator maktabgacha ta’lim tashkilotlariga tashrif buyurib o‘rganish ishlari olib borildi.

Xususan, “Madaniyat” mahallasidagi 1-sonli MTT, “Sohil” mahallasidagi 2- va 3-sonli MTT, hamda “Beruniy” mahallasidagi 1-sonli politexnikumda o‘rganish ishlari amalga oshirildi.

O‘rganish jarayonida maktabgacha ta’lim tashkilotlarida tarbiyalanuvchilarga yaratilgan sharoitlar, ta’lim-tarbiya jarayoni sifati hamda muassasalarning kuz-qish mavsumiga tayyorgarlik holati bilan tanishildi.

Shuningdek, 1-sonli politexnikumda ham shu yo‘nalishdagi ishlar o‘rganilib, o‘quv binolari, isitish tizimi va o‘quvchilarga yaratilgan imkoniyatlar ko‘zdan kechirildi.

Deputat tomonidan berilgan tavsiyalar asosida muassasalarda mavjud kamchiliklarni bartaraf etish va sharoitlarni yanada yaxshilash yuzasidan tegishli choralar belgilandi.