Kattaqo‘rg‘on tuman 14-sonli maktabgacha ta’lim tashkiloti faoliyati o‘rganildi

Kattaqo‘rg‘on tuman 14-sonli maktabgacha ta’lim tashkiloti faoliyati o‘rganildi

Kattaqo‘rg‘on tuman 10-Yodgorxo‘ja okrugi deputati D. Ubaydullayev tomonidan Kattaqo‘rg‘on tumanidagi 14-sonli maktabgacha ta’lim tashkilotida o‘rganish ishlari olib borildi.

O‘rganish davomida tashkilot faoliyati, xususan, bolalar ovqatlanish tizimi, autsorsing (outsourcing) xizmati bo‘yicha amalga oshirilgan ishlar, sanitariya-gigiyena holati hamda moddiy-texnik sharoitlar atroflicha tahlil qilindi.

Shuningdek, kuz-qish mavsumiga tayyorgarlik jarayoni ko‘zdan kechirildi, bog‘cha binosining isitish tizimi, deraza va tom qoplamalari holati, ichimlik suvi hamda elektr ta’minoti bo‘yicha zarur choralar ko‘rilganligi o‘rganildi.

Tashrif davomida bog‘cha mudirasi bilan suhbatlar olib borilib, mavjud muammolar va ularni bartaraf etish bo‘yicha takliflar muhokama qilindi.