Sifatli tibbiy yordam ko‘rsatilishi holatini o‘rganildi

 “Adolat” SDP Bekobod shahar Kengashi raisi, Xalq deputatlari Bekobod shahar Kengashi deputati G.Sharipova hamda partiya faollari aholiga o‘z vaqtida sifatli tibbiy yordam ko‘rsatilishi holatini o‘rganish bo‘yicha shahar ko‘p tarmoqli markaziy poliklinikasida "Erta aniqla - hayotingni saqla!" shiori ostida aholi o‘rtasida ko‘krak bezi saratonini erta aniqlash va oldini olishga qaratilgan chuqurlashtirilgan tibbiy ko‘riklar o‘tkazilishi bilan tanishdilar. Tashrif davomida poliklinika bosh shifokori Ra’no Sattarova bilan muassasadagi mavjud sharoitlar o‘rganilib, bemorlar bilan suhbatlar o‘tkazildi. Suhbat chog‘ida shifokorlar va
partiya faollari tomonidan bemorlarga zarur tibbiy maslahatlar va tavsiyalar berildi. Bemorlar tomonidan poliklinikada yaratilgan sharoitlar talab darajasida ekani, ko‘rsatilayotgan tibbiy xizmatlardan mamnunlik bildirildi. Tibbiy madaniyatni oshirish va aholining salomatligini muhofaza qilish - barchamizning umumiy vazifamiz!