Халық депутатлары Қараөзек районлық Кеӊеси 1-Н.Жапақов округинен депутат Қ.Жақсымуратов нураный устаз Т.Саекеев, "Қутлы мәкан" мәкан пуқаралар жыйыны ўәкиллери биргеликте аймақта жайласқан қәнигелестирилген мектеп оқытыўшы ҳәм оқыўшылары менен ушырасты.

Халық депутатлары Қараөзек районлық Кеӊеси 1-Н.Жапақов округинен депутат Қ.Жақсымуратов нураный устаз Т.Саекеев, "Қутлы мәкан" мәкан пуқаралар жыйыны ўәкиллери биргеликте аймақта жайласқан қәнигелестирилген мектеп оқытыўшы ҳәм оқыўшылары менен ушырасты. Ушырасыўда шығып сөйлеўшилер тәрепинен әдеп-икрамлылық, ўатансүйиўшилик, ата-анаға ҳүрмет ҳәм илимниң қәдири, инсанның өз үстинде ислеўи, әдеп-икрамлылық, мийнет сүйиўшилик сыяқлы пазыйлетлери айрықша атап өтилди. 

Сондай-ақ, ушырасыўда елимизде жасларға жаратылып атырған кең имканиятлар - билимлендириўдеги реформалар, заманагөй оқыў орынлары, қәбилетли жасларды қоллап-қуўатлаў системалары ҳаққында да айрықша тоқтап өтилди. Бул имканиятлардан ақылға уғрас пайдаланыў ҳәр бир жастың миннети екени түсиндирилди.