CHINOZ TUMANI. Deputat Farxod Ibragimov saylovchilar bilan uchrashuv o‘tkazdi.

 Islomobod mahalla fuqarolar yig‘ini hududida joylashgan 22-sonli umumta’lim maktabi binosida Tuman Kengashi deputati Farxod Ibragimov saylovchilar bilan uchrashuv o‘tkazdi. 

Uchrashuvda deputat saylovchilarga mamlakatimizda amalga oshirilayotgan keng ko‘lamli islohotlar, mahalladagi ijtimoiy-iqtisodiy holat va amalga oshirilayotgan loyihalar haqida atroflicha axborot berdi. 

Shu bilan birga, fuqarolar tomonidan bildirilgan taklif va muammolar tinglanib, ularni hal etish bo‘yicha aniq chora-tadbirlar belgilab olindi. 

Tadbir ochiq va samimiy muhitda o‘tdi, saylovchilar vakillari deputat bilan yaqin muloqotda bo‘lib, o‘z fikr va takliflarini bayon etdilar.