Mahallalarda xotin-qizlar bilan muloqot

 Xalq deputatlari Xorazm viloyati Kengashi raisi A.Radjabov ishtirokida Yangibozor tumanida xotin-qizlar loyihalarini qo‘llab-quvvatlash, ularga ko‘maklashish maqsadida tadbirkor ayollar bilan davra suhbati bo‘lib o‘tdi. 

Tadbirda Tuman hokimi o‘rinbosari “Oila va xotin-qizlar bo‘limi boshlig‘i F.Ro‘zmetova, “Xalq banki” AT Yangibozor tuman filiali va “Mikrokreditbank” ATB Yangibozor tuman filiali hodimlari ishtirok etdi.  

Mahalla — bu jamiyatning boshlang‘ich bo‘g‘ini, har bir insonning ijtimoiy hayotdagi ilk tajribalari aynan shu muhitda shakllanadi. Mahallada xotin-qizlar bilan doimiy, ochiq va samimiy muloqot olib borilishi ularning hayotdagi o‘rnini belgilashda muhim ahamiyatga ega. Bunday muloqotlar
orqali ayollar va qizlarning muammolari o‘z vaqtida aniqlanadi, ularga amaliy yordam ko‘rsatish imkoniyati yaratiladi.