Bekobod tumanida Tashabbusli budjet jarayonlari yuzasidan ishchi komissiya yig‘ilishi bo‘lib o‘tdi

2025-yilning 2-mavsumi doirasida O‘zbekiston Respublikasi “Ochiq budjet” (http://openbudget.uz/)portali orqali jamoatchilik fikri asosida shakllangan loyihalarni baholash, tanlab olish va saralash jarayonlarini amalga oshirish maqsadida tuman hokimligida tuman ishchi komissiyasining navbatdagi yig‘ilishi bo‘lib o‘tdi.

Yig‘ilishda 2025-yil 2-mavsumida fuqarolar tomonidan portal orqali ilgari surilgan tashabbuslar atroflicha ko‘rib chiqildi. Ishchi komissiyasi tomonidan belgilangan mezonlar asosida loyihalarni baholash, eng dolzarb va aholi ehtiyojlariga mos bo‘lganlarini tanlab olish hamda keyingi bosqichga yo‘naltirish yuzasidan muhokamalar olib borildi.

Komissiya a’zolari jamoatchilik fikrini inobatga olgan holda har bir loyihaning iqtisodiy samaradorligi, ijtimoiy foydasi va amalga oshirish imkoniyatlarini batafsil tahlil qilib, belgilangan talab va mezonlarga javob beradigan loyihalar keyingi bosqichga tavsiya etildi.