2-sentyabr sánesinde pútkil respublikamız boylap ulıwma orta bilim beriw mekteplerinde jańa oqıw jılı saltanatlı túrde baslanıp, birinshi qońıraw ilajları kóterińki ruwxta ótkerilmekte.

Xalıq deputatları Qaraózek rayonlıq Keńesi deputatları hám rayonlıq siyasiy partiya wákilleri aymaqlardaǵı ilajlarǵa belsene qatnaspaqta.

Deputatlar mekteplerde oqıwshılar hám oqıtıwshılardı jańa oqıw jılı menen qutlıqlap, birinshi klasqa qádem qoyǵan qarlıǵashlarǵa Prezident sawǵaların tapsırdı. Sonday-aq, bilimlendiriw tarawında reformalar, ǵárezsizligimizdiń xalqımız turmısındaǵı áhmiyeti hám jańalanıwlar haqqında toqtalıp ótip, "keleshek sabaq"larına qatnastı.