Ózbekstan Respublikası Oliy Majlisi Nızamshılıq palatasınıń deputatı, "Adolat" SDP frakciyasınıń aǵzası Nodira Rashidova hám Xalıq deputatları Qaraózek rayonlıq Keńesi deputatları, "Adolat" SDP rayonlıq Keńesi wákilleri menen birgelikte "Ǵárezsizlik gúzarı" hám "Qutlı mákan" mákan puqaralar jıyınında boldı.

Ózbekstan Respublikası Oliy Majlisi Nızamshılıq palatasınıń deputatı, "Adolat" SDP frakciyasınıń aǵzası Nodira Rashidova hám Xalıq deputatları Qaraózek rayonlıq Keńesi deputatları, "Adolat" SDP rayonlıq Keńesi wákilleri menen birgelikte "Ǵárezsizlik gúzarı" hám "Qutlı mákan" mákan puqaralar jıyınında boldı. Deputat "máhálle jetiligi" menen ushırasıp, ámelge asırılıp atırılǵan jumıslar, korrupciyaǵa qarsı gúresiw baǵdarında islenip atırǵan jumıslar, xalıqtı jumıs penen bánt etiw, toy, merekelerdı ıqshamlastırıw máseleleri, aymaqtaǵı áhmiyetli mashqalalar, puqaralardı qıynap kiyatırǵan máseleler hám olardıń ámeliy sheshimleri hár tárepleme dodalandı. Bunnan soń deputatlar partiya wákilleri menen birgelikte rayondaǵı 19-sanlı mektepke shekemgi bilimlendiriw shólkeminde bolıp, balalar ushın jaratılǵan imkaniyatlar hám sharayatlar menen tanıstı. 

Sonday-aq, balalardıń bayramǵa tayarlaǵan ayaq oyın hám qosıqların tamashalap, olardı bayram menen qutlıqladı. 

Bul úyreniwler eń dáslep ámelge asırılıp atırǵan jumıslar boyınsha juwmaqlar shıǵarıwǵa, qalaberse, balalardıń salamat hám qáwipsiz ortalıqta tárbiyalanıwın támiyinlew boyınsha jáne de nátiyjeli ilajlardı belgilewge xızmet etpekte. Sonday-aq, deputatlar A.Dosnazarov awıl puqaralar jıyınında jaylasqan "Panaev farms" fermer xojalıǵında bolıp, awıl xojalıǵın rawajlandırıw hám ónim jetilistiriw boyınsha Qaraózek rayonında qadaǵalaw-tallaw tártibinde fermer xojalıǵında hám sharwashılıqta úyreniw jumısları alıp barıldı.