Mahalla yettiligi bialn uchrashuv

Oqoltin tumani Kengashi deputati Babayev Esanbay Omonmuratovich “Mustaqillik” mahallasi binosida mahalla yettiligi bilan uchrashuv o‘tkazdi. Uchrashuv jarayonida mahallada amalga oshirilayotgan islohotlar, aholi turmush sharoitini yanada yaxshilash, yoshlar va xotin-qizlarni qo‘llab-quvvatlash masalalari atroflicha muhokama qilindi.

Uchrashuv davomida mahalla yettiligi va faollar o‘z taklif va tashabbuslarini bildirdilar. Xususan, hududda mavjud muammolarni bartaraf etish, obodonlashtirish ishlarini jadallashtirish hamda aholining ijtimoiy-iqtisodiy muammolarini hal qilishda deputatlik nazoratini kuchaytirish masalalariga alohida e’tibor qaratildi.

Deputat Babayev Esanbay Omonmuratovich o‘z navbatida, bildirilgan taklif va masalalar yuzasidan tegishli tashkilot va mutasaddilar bilan hamkorlikda aniq choralar ko‘rilishini ta’kidladi.