BIRINCHI QO‘NG‘IROQ SADOLARI JARANGLADI

Bugun, respublikamizning barcha hududlarida bo‘lgani kabi Angor tumanidagi 23-umumta’lim maktabida ham 2025-2026-o‘quv yilining tantanali ochilish marosimi o‘tkazildi. Ushbu tantanali tadbirda Xalq deputatlari Angor tuman Kengashi deputati Yuldashova Sevara hamda soha mas’ullari, o‘qituvchi, o‘quvchilar va ularning ota-onalari ishtirok etishdi. 

Bayram tadbirida deputat mustaqillikni har birimiz qadriga yetishimiz kerakligi to'g'risida so'z yuritdi va kelajak avlod vakillariga Prezidentimiz tomonidan berilayotgan e’tibor xususida to‘xtaldi, o‘quvchilarni vatanimizning ravnaqi uchun fidoiy bo‘lishga chorladi.

So‘ngra maktabga ilk qadamini qo‘ygan 1-sinf o‘quvchilariga 12 nomdagi o‘quv qurollaridan iborat “Prezident sovg‘asi” topshirildi. Ilk dars “Vatan uchun, millat uchun, xalq uchun!” shiori ostida “Kelajak soati” sifatida o‘tkazildi.