OPEN BUDJET DASTURI LOYIHASI DEPUTAT NAZORATIDA

 Jumladan, Xalq deputatlari tuman Kengashi deputati A.Mamatmuratov tomonidan “Qoratepa” mahallasida amalga oshirilayotgan ichki ko‘chalarni asfaltlash ishlari jarayoni bevosita nazorat qilinmoqda. Deputat tomonidan qurilish ishlarining sifatli, belgilangan me’yor va muddatlarga muvofiq bajarilishi, aholining murojaatlari va takliflari inobatga olinishi yuzasidan tegishli tashkilotlar bilan hamkorlikda joyiga chiqib o‘rganish ishlari olib borilmoqda.
Mazkur nazorat tadbirlari fuqarolarning byudjet mablag‘laridan foydalanish jarayonidagi ochiqlik va shaffoflikka bo‘lgan ishonchini mustahkamlash, shuningdek, loyihalar samaradorligini oshirishga xizmat qilmoqda.