PREZIDENT FARMONI DOIRASIDA NAZORAT-TAHLIL ISHLARI O‘TKAZILDI.

Farmonga ko‘ra Xalq deputatlari mahalliy Kengashlarining Korrupsiyaga qarshi kurashish va xavfsizlik masalalari bo‘yicha doimiy komissiyalari tomonidan korrupsiyaviy omillarni bartaraf etish faoliyatini kuchaytirish bo‘yicha vazifalar belgilab berildi.

Xalq deputatlari tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari Kadastr agentligi Vobkent tumani bo‘limi va Davlat kadastrlar palatasi Vobkent tumani filialida bo‘lib, korrupsiyaning oldini olish bo‘yicha amalga oshirilayotgan ishlar holati nazoratga olindi.

Kadastr agentligining "Eʼtirof" avtomatlashtirilgan axborot tizimi orqali kelib tushgan hujjatlar asosida mavjud holatlar huquqiy tartibga solinayotganligi ko‘zdan kechirildi.

Xususan, agentlik va palatada xalqaro standartlarga mos menejment tizimi joriy etilgani, profilaktika va targ‘ibot ishlari yo‘lga qo‘yilgani, davlat xizmatlari raqamlashtirilgani ta’kidlandi.

Deputatlar aniqlangan kamchiliklarni bartaraf etish hamda sohadagi ish samaradorligini oshirish bo‘yicha takliflar bildirdilar.