Xalq deputatlari Boyovut tumani Kengashi

Bugun, 24-iyul kuni "Boboyurt" mahallasida aholi bilan navbatdagi ochiq va samimiy uchrashuv bo‘lib o‘tdi. Ushbu tadbirda tuman kengashi deputati Eldor Erkaboyev hamda viloyat kengashi deputati Abdurasul Bababekovlar ishtirok etib, 2025-yilning 2-choragi yakunlari bo‘yicha amalga oshirilgan ishlar, erishilgan natijalar va kelgusi rejalar xususida saylovchilarga batafsil axborot berdi.

📝 Uchrashuvda fuqarolar tomonidan ko‘tarilgan dolzarb muammolar, jumladan:

ichimlik suvi ta’minoti,

yo‘l infratuzilmasi,

bandlik masalalari,

ijtimoiy himoya va sog‘liqni saqlash tizimidagi takomillashtirish zaruriyati kabi mavzular atroflicha muhokama qilindi.

📝 Deputatlar har bir murojaatni diqqat bilan tinglab, tegishli tashkilotlar bilan hamkorlikda yechim topilishini ta’minlash bo‘yicha aniq choralar belgilab oldilar. Mahalla faollari, nuroniylar va yoshlar vakillari ham ushbu muloqotda faol ishtirok etdilar.

Bunday uchrashuvlar saylovchilar bilan ochiq muloqot va hisobotlilik tamoyillariga asoslangan boshqaruv tizimini shakllantirishda muhim omil bo‘lib xizmat qilmoqda.