Sayyor qabul – muammolarga yechim!

    Xalq deputatlari Bekobod shahar kengashi deputatlari X.Ibragimova va D.Vaxobjonov tomonidan Bekobod shahar Xalq qabulxonasi binosida fuqarolar bilan navbatdagi ochiq muloqot bo‘lib o‘tdi. Sayyor qabul davomida fuqarolar o‘z murojaatlari bilan qatnashdi. Ular tomonidan uy-joy ta'miri, kredit olish, sog‘liqni tiklash, yer ajratish va boshqa dolzarb masalalar ko‘tarildi. Bunday sayyor qabullar fuqarolar bilan ochiq muloqat qilish, ularning muammolariga amaliy yechim topish yo‘lida muhim qadamlardan biridir. Shuningdek, sayyor qabul jarayonida Farhod mahallasida yashovchi fuqaro X.Yuldashevaning tom qismini taʼmirlash yuzasidan qilgan murojaati mahalla yettiligi bilan hamkorlikda o‘rganilib, masalaning yechimi yuzasidan tegishli tavsiyalar berildi.