Mahalliy Kengashlar faoliyatini takomillashtirishga qaratilgan seminar bo‘ldi.

Mazkur seminarda Senatning Hududiy vakillik organlari faoliyatini o‘rganish markazi aʼzolari, Andijon viloyati hamda tuman (shahar) Kengashlari deputatlari va kotibiyat masʼullari, shuningdek, OAV vakillari ishtirok etdi.
Tadbir doirasida Kengashlar faoliyati samaradorligini oshirish, aholining dolzarb muammolarini hal etishda ularning rolini kuchaytirishga qaratilgan fikr-mulohazalar bildirildi. Seminar ishtirokchilari Kengash ishini namunali tashkil etish bo‘yicha ilg‘or tajriba va amaliy yondashuvlar bilan o‘rtoqlashdi.