2025-yil 2-iyul kuni Xalq deputatlari Zarbdor tuman Kengashining yettinchi chaqiriq o‘n uchinchi sessiyasi bo‘lib o‘tdi

Mazkur sessiya Zarbdor tumani ijtimoiy-iqtisodiy hayotidagi muhim masalalarni ko‘rib chiqish, mavjud muammolarni tahlil qilish va ularni hal etishga qaratilgan amaliy choralarni belgilab olish maqsadida tashkil etildi.
Sessiyada tuman hokimi, kengash deputatlari, korxona va tashkilotlar rahbarlari, hamda ommaviy axborot vositalari vakillari ishtirok etdi. Shuningdek, sessiya davomida deputatlar tomonidan hududlarda uchrayotgan dolzarb muammolar bo‘yicha taklif va tashabbuslar bildirildi.
Sessiya yakunida kun tartibidagi masalalar yuzasidan tegishli qarorlar qabul qilindi. Belgilangan vazifalar ijrosi ustidan muntazam nazorat o‘rnatilishi, barcha mas’ul tashkilot va rahbarlar tomonidan belgilangan chora-tadbirlar so‘zsiz bajarilishi lozimligi ta’kidlandi.

Tadbir yakunida Kengash raisi sessiyada bildirilgan takliflar, qabul qilingan
qarorlar tuman taraqqiyotiga xizmat qilishi, joylardagi ijtimoiy-iqtisodiy
muammolarni bartaraf etishga xizmat qilishini alohida qayd etdi.