Seminar ishtirokchilar Nurafshon shaharchasidagi aholi xonadonlarida ham bo‘lib, “Sayxunobod tajribasi” asosida shaxsiy tomorqa xo‘jaliklarida yerdan samarali foydalanish, qo‘shimcha tarmoqlarni tashkil qilish orqali oilalar daromadini oshirish borasida amalga oshirilayotgan ishlar bilan tanishdi.

Mahallada ko‘pchilik xonadonlarda mo‘jazgina issiqxonalar tashkil qilinib, pomidor, bodring, gul ko‘chatlari yetishtirilmoqda. Deyarli har bir xonadonda qoramol, qo‘y-echki, parranda boqiladi. Ko’pchilik xonadonlarda hunarmandchilik, shuningdek, kasanachalik asosida kashtachilik, gilamchilik mahsulotlari ishlab chiqarish yo‘lga qo’yilgan. Imtiyozli bank kreditlaridan foydalangan holda serdaromad ishlar mahalla ahlining kundalik yumushiga aylangan.