Deputatlar tashabbusi bilan aholi muammolari hal etilmoqda

Joriy yilning 19-may kuni Toshkent viloyati Kengashi deputati Muhsiddin Nizomiddinov va Xalq deputatlari Parkent tumani Kengashi deputati Xusnora Yoqubovalar tomonidan Parkent tumani Nevich mahallasi aholisining murojaati bo`yicha "Tashabbusli budjet"ning yo‘l qurilishi loyihasida g‘olib bo‘lgan loyihaning asfaltlash ishlarining ba’zi joylari sifatsizligini yuzasidan Transport vazirligi huzuridagi Yo‘l inspeksiyasi, buyurtmachi tashkilot vakili, pudratchi tashkilotlari rahabarlari va vakillari, mahalla raisi, tashabbuskor hamda fuqarolar ishtirokida atroflicha o‘rganilgan edi. O‘rganishlar davomida quruvchi tashkilotlar tomonidan mahalla aholisining haqli e’tiroziga sabab bo‘layotgan ushbu muammolar 15 kun ichida ijobiy hal etilishi aytilgandi. Bugungi kunda mutasaddi tashkilotlar tomonidan Nevich MFY da yo'lni ta'mirlash ishlar amalga
oshirilmoqda. Oy yakuni bilan barcha kamchiliklar bartaraf etilishi rejalashtirilgan. Muammo xalq vakillari yordamida ijobiy hal etildi.