"ЁНҒИН ХАВФСИЗЛИГИ ОЙЛИГИ" ДЕПУТАТЛАР НАЗОРАТИДА

Уйчи туманида қиш мавсумига тайёргарлик, маҳаллаларда мавжуд камчиликларни бартараф этиш бўйича ишчи гуруҳ фаолиятини давом эттирмоқда. 

Боғ МФЙда ўтказилган эрталабки хизматолди йўриқномада  халқ депутатлари Уйчи туман Кенгаши раиси, туман ҳокими Ш.Мусаев томонидан ишчи гуруҳига кун давомида  бўлинган ҳолда кўп қаватли уйлар, иқтисодиёт тармоқлари, ижтимоий соҳа объектлари, аҳоли хонадонларида иш олиб бориш жараёнида улар эътибор қаратадиган жиҳатлар айтиб ўтилди.

Иш самарадорлигини таъминлаш, мавсумни беталофат ўтказиш, юзага келиши мумкин бўлган муаммоларни вақтида бартараф этиш мақсадида узлуксиз навбатчилик штаби ташкил қилинган.