Ta’lim sohasidagi islohotlar-deputatlar e’tiborida

Muhtaram Prezidentimiz raisligida 2025-yil 15-may kuni bo‘lib o‘tgan videoselektor yig‘ilishida ta’limdagi islohotlar samaradorligini yanada oshirish masalalari keng muhokama qilindi. Mazkur yig‘ilishda mahalliy Kengash deputatlariga ham ta’lim sifatini oshirishda faol ishtirok etish, joylardagi muammolarni aniqlab, ularni bartaraf etishda bevosita qatnashish vazifasi topshirildi.

Bu borada Xalq deputatlari shahar Kengashi deputati B.Raxmatullayev shahardagi “Surxon sohili” mahallasida saylovchilar bilan uchrashuv o‘tkazdi. 

Uchrashuv davomida ta’lim dasturlari eng ilg‘or mamlakatlar tajribasiga moslashtirilmoqda, darsliklar yangilanayotganini, maktablarga zamonaviy jihozlar olib berilayotganini hamda endi muallimlar yangi metodikalarni o‘zlashtirib, bolalarga yaxshi bilim berishi kerakligini, buning uchun pedagogika yo‘nalishidagi oliy ta’lim sifatini oshirish zarurligi ustuvor vazifalar etib belgilanganligini ta’kidladi.

Deputat yig‘ilganlarga murojaat qilar ekan, ushbu islohotlar— farzandlarimiz kelajagi, jamiyatimiz taraqqiyoti uchun qadam ekanligini ta’kidlab o‘tdi.