Xalq deputatlari Oltinsoy tuman Kengashining deputati "Xidirsho" saylov okrugidan saylangan Qurbaniyazov Yusup Xolmuminovich o‘zi ta’lim olgan maktabga kitoblar sovg‘a qildi

Shu ma’noda, Xalq deputatlari Oltinsoy tuman Kengashining 19-"Xidirsho" saylov okrugidan saylangan deputati Qurbaniyazov Yusup Xolmuminovich tomonidan ezgu ish amalga oshirildi. U kishining tashabbusi bilan deputat o‘zi ta’lim olgan maktabga — Oltinsoy tumanida joylashgan maktabga turli yo‘nalishdagi badiiy, ilmiy-ommabop va ta’limiy kitoblar sovg‘a qilindi. 

Tadbir davomida maktab o‘qituvchilari va o‘quvchilari deputatning bu xayrli tashabbusini katta mamnuniyat bilan qarshi olishdi. Kitoblar maktab kutubxonasi fondini boyitish bilan birga, yoshlarni kitobxonlikka qiziqtirish, ularning dunyoqarashini kengaytirishga xizmat qilishi shubhasiz. 

Yuqoridagi tashabbus nafaqat ma’naviy qadriyatlarni yuksaltirish, balki deputat va elektorat o‘rtasidagi samarali muloqot va hamkorlikning yorqin namunasi bo‘lib xizmat qilmoqda. 

Oltinsoy tumani Kengash Kotibiyati Axborot xizmati 

✅ Kanalga ulanish uchun: https://t.me/OltinsoyKengashkotibiyati