“G‘alaba bog‘i” qurilishi ishlari o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirovlar tomonidan 9-Muruvvat saylov okrugi hududidagi Muruvvat mahallasida amalga oshirilayotgan “G‘alaba bog‘i” qurilishi ishlari o‘rganildi.

O‘rganish jarayonida bog‘ hududida olib borilayotgan qurilish, obodonlashtirish va ko‘kalamzorlashtirish ishlari ko‘zdan kechirildi.

Shuningdek, yaratilayotgan shart-sharoitlar, qurilish ishlarining sifati hamda belgilangan loyiha talablari asosida amalga oshirilishi yuzasidan mas’ullar bilan fikr almashildi.
“G‘alaba bog‘i”ning barpo etilishi hudud aholisiga zamonaviy, obod va qulay dam olish maskani yaratish, fuqarolarning bo‘sh vaqtini mazmunli tashkil etishga xizmat qilishi ta’kidlandi.

O‘rganish yakunlari bo‘yicha aniqlangan masalalar yuzasidan tegishli tavsiya va takliflar bildirilib, qurilish ishlarini sifatli hamda belgilangan muddatlarda yakunlash bo‘yicha vazifalar belgilab olindi.