“Kónshi” mákán puqaralar jıyınınıń “máhalle jetiligi” jumısı úyrenildi

♻️ Xalıq deputatları Shımbay rayonlıq Keńesi 25-sanlı “Qanlı jap” saylaw okrugi ÓzLIDEP partiyası deputatı T.Palvaniyazova "Kónshi" mákán puqaralar jıyınında bolıp, máhálledegi "máhálle jetiligi"niń jumısı hám onıń nátiyjeliligin úyrendi.

Ushırasıwda máhálle institutınıń jámiyetlik turmıstaǵı ornı, xalıqtıń múrájatları hám mashqalaların sheshiwde baslanǵısh buwın sıpatındaǵı áhmiyeti dodalandı.
Sáwbetlesiw dawamında máhálle sistemasınıń nátiyjeliligin bunnan bılay da arttırıw, sociallıq qorǵawdı kúsheytiw hám puqaralarǵa kórsetilip atırǵan xızmetlerdiń sapasın jaqsılaw boyınsha usınıslar bildirildi.