"Yangihayot" boshqaruv servis kompaniyasi faoliyati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda kotibiyat bosh mutaxassisi Diyorbek Toyirov tomonidan Navoiy shahrida faoliyat yuritayotgan "Yangihayot" boshqaruv servis kompaniyasi faoliyati joyiga chiqqan holda o‘rganildi.

O‘rganish davomida ko‘p qavatli uy-joylarni boshqarish, ularga ko‘rsatilayotgan kommunal xizmatlar sifati, hududlarning sanitariya holati, obodonlashtirish ishlari hamda aholiga yaratilgan shart-sharoitlar ko‘zdan kechirildi.

Shuningdek, mas’ul xodimlar bilan uchrashuv o‘tkazilib, mavjud muammolar va ularni bartaraf etish bo‘yicha amalga oshirilayotgan ishlar muhokama qilindi. Aniqlangan kamchiliklarni qisqa muddatlarda bartaraf etish hamda xizmatlar sifatini yanada oshirish yuzasidan tegishli tavsiya va takliflar bildirildi.

Mazkur o‘rganishlar aholiga ko‘rsatilayotgan xizmatlar sifatini yaxshilash, ko‘p qavatli uy-joy fondini samarali boshqarish hamda fuqarolar uchun qulay va obod yashash muhitini yaratishga xizmat qiladi.