Deputatlar o‘rtasidagi munosabatlar jins, millat, til, din, ijtimoiy kelib chiqish, e’tiqod, shaxsiy xususiyatlar, ijtimoiy mavqe va siyosiy qarashlardan qat’i nazar teng huquqlilik va o‘zaro hurmat asosida qurilishi zarur.

🔴Har bir deputat boshqa deputatlarning kasbiy yoki shaxsiy fazilatlarini ochiqchasiga shubha ostiga qo‘ymasligi kerak.

🔴 Deputat xizmatdan tashqari vaqtda ham o‘zining sha’ni, qadr-qimmati, ishchanlik obro‘si hamda Kengash nufuziga putur yetkazadigan, deputatlik vakolatlarini suiiste’mol qilish deb baholanishi mumkin bo‘lgan har qanday harakatlardan tiyilishi lozim. Jumladan:

🟢jamoat joylarida (kafe, restoran va boshqa ko‘ngilochar maskanlarda) odob qoidalariga amal qilishi, salbiy va ortiqcha e’tiborni tortuvchi harakatlarga yo‘l qo‘ymasligi;

🟢dabdabachilik, shuhratparastlik, guruhparastlik, maishatbozlik, ichkilikbozlik va boshqa salbiy illatlardan chetda bo‘lishi;

🟢jamoat tartibi va xavfsizligiga qarshi yo‘naltirilgan harakatlarga aralashmasligi hamda boshqalarni noqonuniy harakatlarga undamasligi shart.

🔴Shaxsiy munosabatlarda deputat halol, kamtar va xushmuomala bo‘lishi, hech kimga nisbatan qo‘pol munosabatda bo‘lmasligi zarur.

🔴Kundalik hayotda odob me’yorlariga rioya qilish deputatning ajralmas burchidir. U kiyinish uslubida sipo va kamtarona bo‘lishga intilishi lozim.