21-May kuni Xalq deputatlari Baxmal tumani Kengashining yetmish uchinchi sessiyasi bo‘lib o‘tdi, sessiyada Tuman sektorlar rahbarlari,Baxmal tumanidagixalq qabulxonasi mudiri hamda kun tartibidagi masalalarga aloqador tashkilot rahbarlari, tumandan saylangan viloyat Kengashi deputati Qazakova Gulsanam Yaxshiliqovna, tuman Kengashi deputatlari qatnashdi.

Sessiya kun tartibidagi masala yuzasidan dastlab deputatlar Sektor rahbarlarining aholi bandligini ta’minlash, kam ta’minlangan oilalarni kambag‘allik darajasidan chiqarish, doimiy yashash joyidan uzoq muddatga chiqib ketgan fuqarolar bilan ishlash, “Sayxunobod tajribasi”ni joriy etish, aholi kayfiyatiga salbiy ta’sir etuvchi omillarni bartaraf etish, “mahalla yettiligi” faoliyatini samarali tashkil etish va ular-ning ma’suliyatini oshirish yuzasidan hisobotlari eshitildi. Sektorlar rahbarlari tomonidan aholi bandligi-ni ta’minlash, tadbirkorlikni rivojlantirish, yangi ish o‘rinlarini yaratish, huquqiy madaniyatni yuksaltirish, korrupsiyani oldini olishga qaratilgan amaliy chora-tadbirlarni kuchaytirish hamda ushbu yo‘nalishda tumandagi barcha korxona va tashkilotlar, mahallalar, ta’lim muassasalarida targ‘ibot tadbirlarini o‘tkazishga alohida e’tibor qaratish kabi bir qator vazifalar belgilab olindi. O‘tkazilgan sessiya davomida deputatlar sessiya kun tartibiga qo‘yilgan masalalar yuzasidan fikr mulohazalarini bildirib o‘tdilar.

Sessiya yakunida kun tartibidagi masalalar yuzasidan tuman Kengashi deputatlari tomonidan bildiril-gan fikr va mulohazalarni inobatga olgan holda tegishli qarorlar qabul qilindi.