Tumandagi “Xayrxush” MFYda xotin-qizlar faoli bilan hududda istiqomat qilib kelayotgan I.Sayfullayeva faoliyati ko'rilganda, tadbirkor oʻqituvchilik kasbi bilan cheklanib qolmay, xotin-qizlar tadbirkorligi uchun yaratilgan imkoniyatlardan unumli foydalanib, mahallada non va non mahsulotlari hamda pishiriqlar tayyorlash sexi faoliyatini ham yoʻlga qoʻygan. Bu yerda MFYda yashovchi 6 nafar xotin-qizlarning bandligini taminlangan. Sexda non va pishiriklarning 10 dan ortiq turlari tayyorlanib, buyurtmachilarga yetkazib kelinmoqda. Deputat tumanning “Diyor” MFYda oʻrganishlarida Ziyoda Xudoyberdiyeva xonadonida boʻldi. Tadbirokor 12 gektar yer maydoniga dehqonchilik va chorvachilik bilan shugʻullanib kelmoqda. Baliqchilik, 2000 ming bosh tovuq, 50 bosh oʻrdak, 30 bosh qoramol boqib oilasining daromadini oshirib kelmoqda. Bugungi kunda unin 1 oylik daromadi 50 mln.ga yetgan. Shuningdek, oʻrganishlarda “Panob” MFYdagi tadbirkor ayollardan Farida Aslonova faoliyati koʻzdan kechirildi, tadbirkor ayol 3 sotixli issiqxonada limon, mandarin kabi sitrus mevalar, turli xil koʻkatlar yetishtirib kelmoqda. F. Aslonova mahalliy oʻgʻit-biogomus ishlab chiqarishni ham yoʻlga qoʻygan. Tomorqachi ayol kelgusida MFY masʼullari koʻmagida gidroponika usulida issiqxona tashkil etish niyatida.Mazkur oʻrganishlarda tomorqasidan samarali foydalanayotgan xotin-qizlarni namunali faoliyatini hududda keng ommalishtirish borasida chora-tadbirlar belgilandi.