Xalq deputatlari tuman Kengashi deputati M. Pardayev tomonidan “Go‘zalkent” MFY hududida joylashgan ko‘p qavatli uylarda o‘rganishlar olib borildi. O‘rganishlar davomida uylarda yashovchi aholi bilan suhbatlashilib, ularni qiynayotgan muammolar atroflicha o‘rganildi. 

 Jumladan, ko‘p qavatli uylar yangi qurilgan bo‘lishiga qaramasdan, ayrim uylarning fasad qismi ta’mirtalab holatga kelib qolgani, kanalizatsiya tizimida muammolar mavjudligi, chiqindilar o‘z vaqtida olib ketilmagani sababli atrof-muhitga sochilib yotgani aniqlandi. 

 Shuningdek, ko‘p qavatli uylar ichki yo‘laklari (podyezdlari), yerto‘lalari, uylar atrofidagi hududlarning tozaligi va yoritilishi holati ham ko‘zdan kechirildi. 

 Aniqlangan muammolarni bartaraf etish bo‘yicha mas’ul boshqaruv kompaniyalari va tegishli tashkilotlarga deputat tomonidan taklif va tavsiyalar berildi. Ushbu masalalarni hal etish yuzasidan ishlar deputat nazoratiga olindi.