9-may – Xotira va qadrlash kuni

– Ajdodlarimiz xotirasini yodga olish, yurt tinchligi, uning ravnaqi yo‘lida xizmat qilgan nuroniylarimizga e’tibor qaratish xalqimizning eng ezgu, oliyjanob fazilatlaridandir.

– G‘azalkent shahri markazidagi Xotira xiyoboni 9-may kuni o‘zgacha shukuh bilan chiroy ochdi. Tantanali tadbirda sektor rahbarlari, Afg‘on urushi qatnashchilari, mehnat fronti faxriylari, deputatlar, harbiylar, huquqni muhofaza qilish organlari, korxona va tashkilotlar xodimlari, jamoatchilik vakillari hamda yoshlar ishtirok etdilar.

– Ikkinchi jahon urushida mislsiz qahramonlik namunalarini ko‘rsatgan tumandoshlarimiz, g‘alabani o‘zlarining fidoyiliklari bilan yaqinlashtirgan mehnat fronti ishtirokchilari, Vatan mustaqilligi yo‘lida jon fido qilgan bobolarimiz yodga olindi.

– Qur’on oyatlaridan tilovat qilinib. Motamsaro ona haykali poyiga gul qo‘yish marosimi bo‘lib o‘tdi.