2025-yil 26-sentabr kuni Payariq tumani hokimligi majlislar zalida Oliy Majlis Qonunchilik palatasi deputatlari Yarqulov Xusan Muxtarovich va Eshmurzayev Bekmirza Xoshimovichlar ishtirokida maishiy korrupsiyani oldini olish masalalariga bag‘ishlangan uchrashuv bo‘lib o‘tdi.

Tadbirda Xalq deputatlari viloyat Kengashiga Payariq tumanidan saylangan deputatlar va tuman Kengashi deputatlari qatnashishdi. Uchrashuv davomida korrupsiyaning ijtimoiy hayotdagi salbiy oqibatlari, uning jamiyat taraqqiyotiga ko‘rsatadigan xavfli ta’siri hamda uni bartaraf etish yo‘llari atroflicha muhokama qilindi.

Mazkur uchrashuvda Xalq deputatlari Samarqand viloyati Kengashi deputati Z.Yusupova va tuman Kengashi deputati S.Maxkamov ham so‘zga chiqib, o‘z fikr-mulohazalarini bildirdilar. Ular korrupsiyani oldini olish borasida joylarda olib borilayotgan ishlar, mavjud muammolar hamda ularni bartaraf etish bo‘yicha o‘z takliflarini bildirdilar.