Prezidentimizning shu yil 15-sentabr kuni pedagoglar bilan bo‘lgan muloqoti ta’lim sohasi xodimlari uchun nafaqat e’tibor, balki katta ishonch ramzi bo‘ldi. Muloqot davomida ustozlar nafaqat ta’lim beruvchi, balki Vatanga sodiq, halol va bilimli avlodni tarbiyalovchi asosiy kuch sifatida ko‘rsatildi. Bu esa bizga yangicha yondashuvni talab qiladi. O‘qituvchi endi faqat bilim yetkazuvchi emas, balki jamiyatda ijtimoiy ongni shakllantiruvchi, ma’naviyat bayroqdori sifatida qaralmoqda.

Davlat rahbari ustoz shaxsini yuksaltirish orqali, aslida, butun jamiyatni ko‘tarish yo‘lini tanlayotganini anglash mumkin. Chunki yurt taraqqiyoti birinchi navbatda maktabda, sinfxonalarda, o‘qituvchi nigohida va uning so‘zida boshlanadi. Bugun o‘qituvchidan faqat dars o‘tish emas, balki butun qalbi bilan yoshlarga yo‘l ko‘rsatish, ularni katta hayotga tayyorlash, ularning orzu-umidlariga sherik bo‘lish talab qilinmoqda. Xalq deputatlari Jizzax shahar Kengashi deputati O.Bakirov