O‘zbekiston
“Adolat” SDP Farg‘ona tuman Kengashi deputatlari tomonidan ta’lim muassasalarida
tarbiyalanuvchi, kelajagimiz egalari bo‘lmish bolajonlar salomatligi holatlari doimiy
ravishda o‘rganib kelinmoqda. 

Deputat Baxodir Axmadjonov Farg‘ona tumanidagi 44-sonli
maktabgacha ta’lim tashkiloti faoliyati bilan yaqindan tanishdi. Tashrif davomida
u avvalo bolalar sog‘lom ovqatlanishi, ularning rivojlanishiga ta’sir etuvchi omillar
hamda muassasada yaratilgan sanitariya-gigiena sharoitlariga alohida e’tibor qaratdi. 

Jumladan, fast-fud mahsulotlari va energetik ichimliklar
savdosi holati o‘rganilib, ularning bolalar sog‘lig‘i uchun zararli oqibatlari haqida
mas’ul xodimlarga tushuntirishlar berildi. Shu bilan birga, bolalar ratsionini sog‘lom va to‘yimli ovqatlar bilan boyitish
masalalari muhokama etildi. 

Tashrif
chog‘ida, shuningdek, ta’lim muassasasining 2025–2026 yillar kuz-qish mavsumiga
tayyorgarlik jarayonlari ko‘zdan kechirildi. Muassasada isitish tizimi, elektr ta’minoti,
yoritish vositalari va xavfsizlik choralari holati o‘rganilib, mavjud muammolarni
bartaraf etish bo‘yicha tegishli mas’ullarga ko‘rsatmalar berildi. Bunday o‘rganishlardan maqsad — farzandlarimiz sog‘lom,
bilimli va barkamol bo‘lib voyaga yetishi uchun munosib sharoitlar yaratish, ularning
har tomonlama sog‘lom rivojlanishiga ko‘maklashishdir