Bugun Navoiy shahridagi viloyat Ma’naviyat va ma’rifat markazida xalq deputatlari hamda kotibiyat mudirlarining bilim va ko‘nikmalarini yanada mustahkamlashga qaratilgan o‘quv seminari boshlandi.

O‘zbekiston Respublikasi Senati tashabbusi bilan tashkil etilgan seminarda xalq deputatlari viloyat, tuman va shahar Kengashlarining deputatlari, kotibiyat mudirlari (tegishli studiyalardan) ishtirok etishdi. Tadbirda O‘zbekiston Respublikasi Oliy Majlis Senati raisi Tanzila Narbayeva, Senatning qator qo‘mitalari, Prezident Adminstratsiyasi mas’ul xodimlari, turli vazirlik, idora va muassasa vakillari mavzuga aloqador chiqishlar qildilar.

Ayniqsa, O‘zbekiston Respublikasi Prezidenti tomonidan Oliy Majlis palatalarining majlislarida belgilab berilgan ustuvor vazifalar, unda vakillik organlarining o‘rni, mahalliy Kengashlar deputatlari maqomi, deputatlik faoliyatining kafolatlari, mahalliy Kengashlarda doimiy komissiyalar, partiya guruhlari va deputatlar faoliyatini to‘g‘ri va samarali tashkil etish kabi mavzulardagi ma’ruzalar seminar qatnashchilarini befarq qoldirmadi.

Jarayonda mahalliy Kengashlar deputatlari hududlarni rivojlantirish dasturlarini shakllantirishda ishtirok etish, tasdiqlash hamda ijrosi yuzasidan nazorat-tahlil faoliyatini olib borish, qarorlar qabul qilishda qonuniylikni ta’minlash, saylovchilar murojaatlari bilan, qolaversa, ommaviy axborot vositalari va ijtimoiy tarmoqlar bilan ishlash, deputatlarning odob-axloq qoidalari bo‘yicha ham o‘z bilimlarini oshirishmoqda.