Muzrabot tumanida ham aholiga sifatli tibbiy yordam ko‘satish borasida ko‘pgina ishlar amalga oshirilmoqda.

Xalq deputatlari Muzrabot tumani Kengashi raisi, 15-Baynalminal okrugidan saylangan deputat Nurmahmatov Sayidali Mahmatqulovich tumandagi “At-Termiziy” mahallasida bo‘lib, Mahalliy Kengash deputati faoliyatining eng muhim yo‘nalishlari bo‘yicha tavsiyalarga asosan mahalla hududida joylashagan 47-sonli oilaviy poliklinika faoliyati bilan yaqindan tanishdi.

O‘rganish jarayonida mahalla aholisiga tibbiy yordam ko‘rsatish tizimi, dori vositalarining mavjudligi, ehtiyoji, shuningdek, muammolar atroflicha tahlil qilindi.

Ushbu mahalla tibbiyot muassasasi ambulator sharoitda davolanish uchun bemorlarga yaratilgan sharoitlar ham o‘rganildi.

Shuningdek, deputat tibbiyot xodimlari bilan ham suhbat o‘tkazib, sohaga oid qonun xujjatlaridagi yangiliklar haqida ma’lumotlarni berib o‘tdi. Taklif va murojaatlari tinglandi. Bu bo‘yicha deputatlik nazoratiga olinishi belgilab olindi.

O‘rganishlar davomida deputat tomonidan muassasada aniqlangan ayrim kamchiliklarni bartaraf etish bo‘yicha tegishli mas'ullarga ko‘rsatma va tavsiyalar berildi.