Mahalliy Kengash deputati faoliyatining eng muhim yo‘nalishlari bo‘yicha tavsiyalar asosida xalq deputatlari Muzrabot tuman Kengashi kotibiyati mudiri, deputat D.Sherboyev tuman Kengashi kotibiyati bosh mutaxassisi B.Xoliqov hamroxligida tumandagi “Nurli hayot” mahallasida hokim yordamchisining faoliyati bilan tanishdi.

O‘rganish davomida asosiy e’tibor hokim yordamchisi tomonidan bajarilishi lozim bo‘lgan ishlardan doimiy daromad manbaiga ega bo‘lmagan ishsiz aholini kasb-hunar va tadbirkorlikka o‘qitish hamda bandligini ta’minlanishi bo‘yicha amalga oshirilayotgan ishlarga qaratildi. Bu borada bajarilayotgan ishlar ko‘zdan kechirildi.

Shuningdek, mahalla hududida aholi xonadonlariga borilib, tadbirkorlik faoliyati bilan shug‘ullanayotgan fuqarolar bilan suhbatlar o‘tkazildi. Bunda fuqarolar tomonidan bildirilgan murojaat va takliflar deputat tomonidan tinglandi. Yechimi talab etiladigan masalalarni hal qilish bo‘yicha choralar belgilab olindi.

Yakunda mahalladagi hokim yordamchisi faoliyati davomidagi kamchiliklari yuzasidan deputat o‘zining tavsiya va ko‘rsatmalarini berdi.