Xalıqqa tez medicinalıq járdem kórsetiwdiń áhmiyeti

Tez medicinalıq járdem - insan ómirin saqlap qalıwda eń áhmietli faktorlardan biri bolıp esaplanadı. Kútilmegen baxısız hádiyseler, jol-transport hádiyseleri hám basqa da qıstawlı jaǵdaylarda medicinalıq xızmettiń tez hám sapalı kórsetiliwi insan ómirin saqlap qalıwǵa xızmet etedi.

Búgin Xalıq deputatları Bozataw rayonlıq Keńesiniń háptelik is-rejesine tiykar, Xalıq deputatları rayonlıq Keńesi deputatları ham sekretariat qánigeleri menen birgelikte, xalıqqa óz waqtında sıpatlı medicinalıq járdem kórsetiliw jaǵdayın úyreniw boyınsha Respublika «tez medicinalıq járdem orayı» Qaraqalpaqstan filialı Bozataw rayonı bóliminde deputatlıq úyreniwler alıp barıldı.

Búgingi kúnde tez medicinalıq járdem xızmeti zamanagóy texnologiyalar menen támiyinlengen. Arnawlı úskenelengen avtomobiller, joqarı tájiriybeli shıpakerler hám dispetcherlik sisteması arqalı shaqırıqlarǵa qısqa waqıt ishinde juwap berilmekte. Ásirese, sanlı texnologiyalar arqalı shaqırıqlardı qabıl etiw hám baǵdarlaw sisteması xızmet nátiyjeliligin arttırmaqta.

Respublika «tez medicinalıq járdem orayı» Qaraqalpaqstan filialı Bozataw rayonı bóliminde búgingi kúnde 3 tez járdem kórsetiw brigadalarında 3 zamanagóy avtomoil menen támiyinlengen bolıp 13 aydawshı kúni tunı xalqımızǵa xızmet islep kelmekte.