Uchrashuv “Deputat mahallada” loyihasi doirasida tashkil etilib, unda mahalla faollari va fuqarolar ishtirok etdi. Deputat aholi bilan ochiq muloqot olib borib, ularning muammo va takliflarini tingladi.

Murojaatlar davomida asosan ichki yo‘llar holati, ichimlik suvi ta’minoti, elektr energiyasi, bandlik hamda ijtimoiy soha bilan bog‘liq masalalar ko‘tarildi. Har bir murojaat yuzasidan tegishli tashkilotlar bilan hamkorlikda amaliy choralar ko‘rilishi ta’kidlandi.

Ayrim masalalar joyida hal etildi, qo‘shimcha o‘rganishni talab qiladigan murojaatlar esa deputat tomonidan nazoratga olindi.

Mazkur uchrashuv aholi bilan yaqin muloqotni yo‘lga qo‘yish hamda ularning muammolariga yechim topishda muhim ahamiyat kasb etmoqda.