Xalq deputatlari Chilonzor tuman Kengashi 18-Guliston okrugi deputati Kim Marina Melisovnaning deputat so‘roviga Chilonzor tumani hokimligi tomonidan rasmiy javob taqdim etildi. 

Javob xatida deputat murojaatida ko‘tarilgan masalalar yuzasidan quyidagilar ma’lum qilingan. 

Avvalo, murojaatda keltirilgan Guliston mahallasi hududida joylashgan 36-ko‘p qavatli uy oldi hududini obodonlashtirish masalasi ko‘rib chiqilgan. Ushbu hududda yomg‘ir suvlarini oqizish uchun irrigatsiya tizimini qayta qurish va ta’mirlash ishlari amalga oshirilishi rejalashtirilgani qayd etilgan. Mazkur ishlar manzilli ro‘yxat tasdiqlanib, zarur mablag‘ ajratilgandan so‘ng amalga oshirilishi ma’lum qilingan. 

Shuningdek, javob xatida Chilonzor tumanidagi ko‘p qavatli uylarning liftlarini yangilash masalasi yuzasidan ham ma’lumot berilgan. Xususan, 2026 yil uchun manzilli dastur shakllantirilgan bo‘lib, ushbu dasturga muvofiq 9 ta ko‘p qavatli uydagi liftlarni yangisiga almashtirish ishlari rejalashtirilgan. 

Ma’lum qilinishicha, liftlarni yangilash ishlari bosqichma-bosqich amalga oshiriladi va 2027 yilda ham tasdiqlangan manzilli ro‘yxat asosida mazkur ishlar davom ettiriladi. 

Mazkur javob Chilonzor tumani hokimi o‘rinbosari K. Xamraev tomonidan imzolangan.