Xalq deputatlari Toyloq tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

✅Yig‘ilish davomida Toyloq tumanida ijtimoiy soha yo‘nalishlarida amalga oshirilayotgan ishlar, mavjud muammolar hamda ularni bartaraf etish bo‘yicha ko‘rilayotgan chora-tadbirlar yuzasidan tuman hokimining o‘rinbosari Jo‘rabek Radjabovning hisoboti tinglandi. Hisobotda yoshlar siyosati, madaniyat, sport hamda ijtimoiy xizmatlar sohasida amalga oshirilayotgan loyihalar va ularning samaradorligi haqida batafsil ma’lumot berildi.

✅Komissiya a’zolari tomonidan hisobot yuzasidan fikr-mulohazalar bildirilib, ayrim masalalar bo‘yicha taklif va tavsiyalar berildi. Shuningdek, hududlarda ijtimoiy soha rivojiga qaratilgan ishlarni yanada kuchaytirish zarurligi ta’kidlandi.

✅Yig‘ilish yakunida eshitilgan hisobot masalasini Xalq deputatlari Toyloq tumani Kengashining navbatdagi sessiyasi kun tartibiga kiritish bo‘yicha tavsiya berildi.

🌐 https://t.me/Toyloq_tuman_Kengashi