Yig‘ilish davomida tumanda muhim ahamiyatga ega bo‘lgan qator masalalar muhokama qilindi. Jumladan, “Suv yetkazib berish xizmati” davlat muassasasi direktori B. Ahadov tomonidan suv resurslarini boshqarish, suv xo‘jaligi obyektlarining texnik holatini yaxshilash hamda tumanda zamonaviy suv tejovchi sug‘orish texnologiyalarini joriy etish borasida amalga oshirilayotgan ishlar va ushbu yo‘nalishda belgilangan ustuvor vazifalarning bajarilishi yuzasidan hisobot taqdim etildi. Hisobot davomida mavjud muammolar, ularni bartaraf etish choralariga ham alohida to‘xtalib o‘tildi.

✔️Shuningdek, yig‘ilishda Toyloq tumani Veterinariya va chorvachilikni rivojlantirish bo‘limi tomonidan amalga oshirilgan ishlar, sohada erishilgan natijalar hamda kelgusida bajarilishi lozim bo‘lgan ustuvor vazifalar yuzasidan ham muhokamalar olib borildi. Deputatlar tomonidan sohani yanada rivojlantirish, chorvachilikni qo‘llab-quvvatlash hamda aholiga ko‘rsatilayotgan xizmatlar sifatini oshirish bo‘yicha taklif va tavsiyalar bildirildi.

✔️Yig‘ilish yakunida muhokama qilingan masalalarni xalq deputatlari Toyloq tumani Kengashining navbatdagi sessiyasi kun tartibiga kiritish bo‘yicha tegishli tavsiyalar berildi.

✅ https://t.me/Toyloq_tuman_Kengashi