Joriy yilning 24-may kuni 24-maktabdagi so‘nggi qo‘ng‘iroq tadbirida Xalq deputatlari Yangibozor tuman kengashi deputati
Matyakubova Adiba Prezidentimiz tabrigini o‘qib eshittirdi. Tadbirda Prezidentimizning yoshlarga yo‘llangan samimiy so‘zlari, ularning bilimga intilishi, mehnatsevarligi va vatanparvarligiga bo‘lgan ishonchi alohida tantana ruhini kiritdi. 

Tadbir davomida 11-sinf bitiruvchilarini tabriklash uchun maktab direktori, o‘qituvchilar, mahalla faollari, ota-onalar va kichik
sinf o‘quvchilari ishtirok etdi. Tadbirda yorqin raqslar, kuy-qo‘shiqlar, she’ru so‘zlar bilan bezatilgan sahnalar namoyish etildi. 

Tadbir yakunida bitiruvchi o‘quvchilar va ularga bilim va tarbiya berishda alohida hissa qo‘shgan o‘qituvchilar esdalik sovg‘alari
hamda tashakkurnoma va diplomlar bilan taqdirlandilar.