Uchrashuvdan ko‘zlangan asosiy maqsad — aholi vakillari bilan yaqindan muloqot qilish, ularni o‘ylantirayotgan muammolar va takliflarni tinglash, joylardagi mavjud ijtimoiy-iqtisodiy masalalarni o‘rganish va hal etish choralarini ko‘rishdan iborat bo‘ldi. 

Deputat Qodirov Husniddin Ravshan o‘g‘li o‘z nutqida joylarda amalga oshirilayotgan islohotlar, mahalliy kengash faoliyati, hududdagi investitsiya, ta’lim, yo‘l qurilishi va boshqa sohalardagi ishlar to‘g‘risida saylovchilarga ma’lumot berdi. Shuningdek, aholi muammolari va talablarini bevosita eshitish hamda ularni tegishli tashkilotlar orqali hal etish yuzasidan amaliy choralar ko‘rilishi ta’kidlandi. 

Tadbir davomida fuqarolar tomonidan bir qator muhim masalalar — ichki yo‘llarni ta’mirlash, ichimlik suvi ta’minotini yaxshilash, maktabdagi shart-sharoitlarni yanada takomillashtirish kabi muammolar ko‘tarildi. Deputat bu masalalarni nazoratga olishini va mutasaddi idoralar bilan hamkorlikda yechim topishga harakat qilishini ma’lum qildi. 

Uchrashuv ochiq va samimiy ruhda o‘tdi. Saylovchilar deputat bilan bevosita muloqot qilish imkoniyatidan mamnun ekanliklarini bildirishdi. 

Oltinsoy tumani Kengash Kotibiyati Axborot xizmati 

✅ Kanalga ulanish uchun: https://t.me/OltinsoyKengashkotibiyati