Deputatlar melioratsiya obyektida olib borilayotgan ishlar bilan tanishdi

Xalq deputatlari Qiziriq tumani Kengashi raisi J.Xudoyqulova hamda tuman Kengashi deputati Q.Igamberdiyevalar Qiziriq tumanidagi K-5-10 zovuri rekonstruksiya obyektida bo‘lib, tuman Melioratsiya bo'limi tomidan amalga oshirilayotgan yerosti tonnelini ta’mirlash ishlari bilan yaqindan tanishdilar.

Tashrif davomida rekonstruksiya ishlari jarayoni, qurilish-montaj ishlarining sifati, loyiha doirasida belgilangan vazifalarning bajarilish holati hamda obyektni o‘z vaqtida foydalanishga topshirish yuzasidan olib borilayotgan ishlar ko‘zdan kechirildi.

Shuningdek, mazkur obyektning foydalanishga topshirilishi sug‘orish va melioratsiya tizimi samaradorligini oshirish, qishloq xo‘jaligi ekin maydonlarini suv bilan barqaror ta’minlash hamda hudud infratuzilmasini yanada yaxshilashga xizmat qilishi ta’kidlandi.

Deputatlar tomonidan mas’ul tashkilot vakillari bilan suhbat o‘tkazilib, ishlarning borishi va belgilangan muddatlarda yakunlanishi yuzasidan ma’lumotlar olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#J_Xudoyqulova #Q_Igamberdiyeva