Mahalladagi ishlar deputatlar tomonidan o‘rganildi

Xalq deputatlari tuman Kengashi raisi J. Xudoyqulova, tuman Kengashi deputati Q. Igamberdiyeva hamda tuman KEngashi bosh mutaxassisi A.Mamarajabovlar tuman Kengashiga 15-Zarkamar saylov okrugidan saylangan deputat A. Xolmo'minov bilan birgalikda uning hududidagi “Kunchiqish” mahallasida bo‘lib, hududda amalga oshirilayotgan ishlar va mavjud muammolarni o‘rganishdi.

Tashrif davomida mahalladagi infratuzilma holati hamda aholi tomonidan ko‘tarilayotgan dolzarb masalalar yuzasidan mas’ullar bilan fikr almashildi. Shuningdek, mahalla hududini rivojlantirish, mavjud muammolarni bartaraf etish hamda belgilangan vazifalarni samarali bajarish bo‘yicha amalga oshirilayotgan ishlar muhokama qilindi.
Mahalla yettiligi faoliyati alohida o‘rganilib, ular tomonidan hududdagi muammolarni aniqlash, fuqarolar murojaatlari bilan ishlash hamda masalalarni tezkor hal etish borasidagi ishlar tahlil qilindi. Shu bilan birga, ularning ish samaradorligini oshirish va faoliyatini yanada takomillashtirish yuzasidan fikrlar bildirildi.

Deputatlar tomonidan aniqlangan kamchiliklarni bartaraf etish hamda mahalla tizimi faoliyatini yanada yaxshilash bo‘yicha tegishli tavsiya va takliflar berildi. Yakunda belgilangan vazifalarni o‘z vaqtida va sifatli amalga oshirish yuzasidan kelishib olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#J_Xudoyqulova #Q_Igamberdiyeva #A_Mamarajabov