U.Aliqulov o‘zining deputatlik faoliyati to‘g‘risida amalga oshirilgan ishlari to‘g‘risida ma’lumotlar berdi. Shuningdek O‘zbekiston Respublikasi Oliy Majlisi Senati Kengashining mahallalardagi muammolarni hal etishda xalq deputatlari mahalliy Kengashlari deputatlari va senatorlarning "Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi 2024-yil 4-apreldagi KQ-706-IV-sonli qarori hamda xotin~qizlarlarning jamiyatdagi rolini oshirish, gender tenglik va oila masalalari bo‘yicha Respublika komissiyasining 2024-yil 6-aprel kunidagi 10-sonli bayonnomasi mazmun-mohiyatini batafsil tushuntirib o‘tdi.

Uchrashuv davomida hududda mavjud muammolarga hamda fuqarolar tomonidan berilgan taklif va muammolar yechimi yuzasidan rejalar tuzilib olindi. Fuqarolar murojaatlari yuzasidan tegishli tashkilotlarga deputatlik so'rovlari yuborildi.